កំពង់ស្ពឺ៖ នាយករដ្ឋមន្ត្រីកកម្ពុជា សម្តេចតេជោ ហ៊ុន សែន មានប្រសាសន៍ថា ការចាត់តាំងមន្ត្រីឱ្យទទួលការងារណាមួយមិនបាច់សួរអាយុនោះទេ សំខាន់ត្រង់ថា គេអាចធ្វើការងារនោះបានឬអត់? ខណៈកម្ពុជាធ្លាប់មានរដ្ឋមន្រ្តីការបរទេសក្មេងបំផុត។

ថ្លែងក្នុងពិធីសម្ពោធបើកឱ្យប្រើប្រាស់ជាផ្លូវការផ្លូវជាតិលេខ៥១ នាថ្ងៃសុក្រ ទី២៥ ខែមីនា ឆ្នាំ២០២២ សម្តេចបានថ្លែងថា ៖ «ពេលចាត់តាំងមនុស្សមិនចាំបាច់សួរអាយុ ព្រោះនៅកម្ពុជាធ្លាប់មានរដ្ឋមន្ត្រីការបរទេសមានវ័យ ២៧ឆ្នាំ ជានាយករដ្ឋមន្ត្រីក្នុងវ័យ ៣២ឆ្នាំ»។

សម្តេចបានបន្តថា ទោះបីយ៉ាងក៏ដោយក្មេងមានចំណេះដឹងតែខ្វះពិសោធន៍ ចាស់មានពិសោធន៍តែខ្វះចំណេះដឹង។ ចាស់មិនត្រូវមើលស្រាល ហើយក្មេងមិនត្រូវមើលស្រាលចាស់ដែរជាធនធានមរតកបទពិសោធន៍ក្នុងការងាររបស់គាត់៕

^{PHOTO: EAC NEWS}